El martes 28 d’ochobre, en Foro Abierto de la Llibrería Cervantes, y a les 7 de la tarde, presentamos n’Uviéu Les manes enceses (Antoloxía 1948-2005) d’Eugénio de Andrade. Ye un trabayu personal d’Antón García, que percuerre llibru a llibru tola obra poética del portugués pa ufiertanos la so selección personal: cientos de poemes n’edición billingüe, que nos permiten facenos una idea cabal del camín poéticu, escelente y rigurosu, d’Andrade, un poeta importante pa la poesía asturiana de finales del sieglu XX, que mantuvo una vinculación bien especial con esta tierra y cola so llingua.
 |
| Eugénio de Andrade |
La presentación van facela, xunto col traductor, dos persones mui distintes: la poeta Raquel F. Menéndez, premiu de poesía de la Universidá d’Uviéu, y Manuel Fernández de la Cera, Conseyeru de Cultura que facilitó la visita a Asturies del poeta portugués, la figura lliteraria más destacada de la segunda mitá del sieglu XX, pa lleer los sos poemes nuna Selmana de les Lletres Asturianes, y la esposición de llibros n’asturianu que se fexo en 1988 na Biblioteca Nacional de Lisboa, na que participó Eugénio de Andrade presentando’l so llibruContra la escuridá.
 |
| Manuel Fernández de la Cera |
 |
| Raquel F. Menéndez |
.png "English"){kind=small}
No hay comentarios:
Publicar un comentario