Literaturas Noticias

Envíanos tus: noticias@literaturas.com

BUSCA en LiteraturasNoticas.com

Lieraturas NOTICIAS en tu idioma

lieraturasnoticias.com
en su idioma,in your language,dans votre langue,in Ihrer Sprache,på ditt språk,на вашем языке, 在你的语言,no seu idioma EnglishFrenchGermanRussianPortugueseChinese Simplified

"Basura para Dos". Novela

"Basura para Dos". Novela
PUBLICIDAD

sábado, 26 de noviembre de 2016

178.- Dende o sur de Galicia ata o mesmísimo Ecuador: coordenadas do próximo recital de POETAS DI(N)VERSOS






DENDE O SUR DE GALICIA ATA O MESMÍSIMO ECUADOR: COORDENADAS DO PRÓXIMO RECITAL DE POETAS DI(N)VERSOS

O Ciclo de poesía da Concellería de Culturas da Coruña celebra o próximo 28 de novembro a segunda cita deste seu oitavo ano consecutivo. Será coma sempre en día luns, coma sempre ás 20:30h e no Auditorio do Centro Ágora da Coruña, nun acto de aproximadamente unha hora de duración, aberto a todo o público interesado e con entrada de balde.

A programación, dirixida pola tamén poeta e dinamizadora cultural Yolanda Castaño, volverá reunir dúas das máis interesantes voces de Galicia e do resto do mundo, para que compartan en vivo os seus textos fronte a un público cada vez máis nutrido. Neste caso, dende Tui e dende Quito chegan respectivamente Marga Doval e Edwin Madrid. Dous autores ‘alérxicos’ a calquera tipo de impostura na escrita, procurando sempre a honestidade aínda que dende a estilización literaria de maior calidade. Os dous nados na primeira metade dos anos 60, o seu recital constituirá o harmónico diálogo entre unha poética en galego e outra en castelán.

Conducido pola poeta compostelano-coruñesa que coordina o proxecto dende 2009, o acto ofrecerá tamén a posibilidade de levar sinaturas dos escritores convidados nos exemplares dos seus libros. De feito, nomeadamente, o poeta ecuatoriano aproveitará a ocasión para presentar en Galicia o seu último título publicado baixo o prestixioso selo de Pre-Textos: a antoloxía persoal “Todos los Madrid, el otro Madrid”. Edwin Madrid é un dos autores máis unanimemente recoñecidos da poesía contemporánea do Ecuador. Premio Casa de América e director dos Obradoiros de Escrita Creativa da Casa da Cultura Ecuatoriana así como das Ediciones de la Línea Imaginaria, a súa intensa proxección internacional teno becado, premiado ou presentado por toda Latinoamérica, o Caribe, os Estados Unidos e Europa. Canto á viguesa Marga Doval, foi Lectora de Galego na Universidade de Tréveris e desenvólvese tamén como tradutora literaria dende o alemán (Premio AELG á mellor Tradución). Tense dedicado moi activamente á escrita teatral, así como ao columnismo de opinión. Autora tamén de dúas novelas, polo seu segundo poemario chegou a acadar o Premio da Crítica Española.

Os libros de Doval e Madrid poñeranse á venda para os e as interesadas por parte dunha das librarías dos barrios coruñeses, presente no evento como vén sendo habitual. E a este encontro poético seguirán novas citas mensuais de aquí a xuño, como a que o 12 de decembro nos traerá a viguesa Silvia Penas e a xenovesa Laura Accerboni. Un ciclo de alta calidade literaria que fora galardoado como Mellor Iniciativa Cultural nos Premios da Crítica Galicia 2014.


No hay comentarios:

Jim & jhon